Drejtoria  e Inspeksionit e Komunës së Mitrovicës ka ndërmarrë disa aksione për  largimin e shitësve ambulant  nga rrugët, sheshet  dhe trotuaret e qytetit pa lejen e organeve kompetente të Komunës.

Sipas një komunikate, thuhet se angazhimet e inspektorëve komunal në drejtim të zbatimit të ligjit, eliminimit të parregullsive  dhe ruajtjes së shëndetit të qytetarëve, kanë filluar të japin rezultate të theksuara.

“Drejtori i Drejtorisë së Inspekcionit  në komunën e Mitrovicës, Ismet Syla, njoftoi për një varg aksionesh që inspektorët e tij i akne marrë ditëve të fundit për realizimin e objektivave të lartpërmendura”.

Kështu, aksionet janë ndërmarrë për largimin dhe asgjësimin e mallrave të cilat janë të pa përdorshme dhe me ndikim negativ në shëndetin e qytetareve,  siç janë  pijet e ndryshme jo alkoolike, prodhimet ushqimore, artikuj sanitar dhe prodhime ushqimore, të gjitha me afate të skaduar, thuhet mes tjerash në komunikatë.

Sipas Sylës, gjatë ditëve të fundit janë asgjësuar mbi 12.000 litra lëngje dhe afër 800 kilogram artikuj   ushqimor, sanitar dhe artikuj tjerë,  që  ishin pa origjinë të prejardhjes dhe pa deklaracion në gjuhen zyrtare, të konfiskuara  nga Dogana e Kosovës.

“Kemi larguar nga trotuaret dhe vendet ku nuk lejohen, 6 pajisje pa leje të institucioneve, për fërgimin e patateve në sheshin e qytetit të Mitrovicës. Janë larguar edhe trampolinat pasi që ishin  konservuar në Sheshin “Adem Jashari”. Inspektorët komunalë janë të ngarkuar me  angazhime ditore për kontrollin e sheshit të qytetit, për largimin e auto-mjeteve lodra me akumulator për argëtimin e  fëmijëve, si dhe janë duke bërë edhe shumë punë e aktivitete tjera në zbatim të ligjit dhe rregulloreve komunale, me qëllim të mbrojtjes së shëndetit të qytetarëve dhe interesin publik e komunal”, th Syla

Përveç aktiviteteve të lartpërmendura, inspektorët komunalë gjatë tri ditëve të fundit kanë asgjësuar mbi 970 kilogram artikuj të ndryshëm me afat të skaduar nga subjekti afarist ETC në Mitrovicë, si dhe janë asgjësuar prodhime ushqimore dhe sanitare me afat të skaduar dhe mallra të dëmtuara janë larguar nga shitja dhe konsumimi.

Drejtori Syla bëri të ditur se Drejtoria të cilën ai e udhëheq, është në gatishmëri gjatë  24 orëve dhe në funksion e shërbim të qytetarëve. Ai kërkon bashkëpunim më të suksesshëm me  qytetaret për  sigurinë e shëndetin publik, sepse kjo është në interes të tyre./arbresh.info